Sida ku cad taariikhda Dawladihii burburay amase khasaaray ee qaaradan Africa ee ilaahay inagu abuuray waxaa u sabab ahaa Maamul xumo iyo musuqmaasuq ay sameeyeen Madaxdii markaasi xilka haysey ee ummadahaasi maamuleysey.Hadii maamul xumo iyo musuqmaasuq yimaadaan waxaa markiiba abuurmayasa Keli talisnimo xanuun badan oo madaxda dawladahaasi kula kacaan shacabkooda si ay u xalaashadaan danahooda musuqmaasuq ayna dadka u bajiyaan si aan looga hadal amaba aan loo eeginba waxa ay sameynayaan
Marka keli talisnimadu timaado waxaa meesha ka baxaya qawaaniintii iyo shuruucdii dalalkaasi u tiiley , waxayna keli-taliyayaashu soo rogaan dikriitooyin ama faafino wax la yiraahdo oo ay ku suulinayaan Distoorkii sharciga ahaa ee dalalkaasi lahaayeen.
Waxaa intaasi kadib bilaabanta qaybi oo xukun,eex,nin jecleysi,qaraabo kiil iyo xaalad abuur,waxay madaxda dawladaasi bulshada ka dhex sameystaan wax la yiraahdo Kaadiriinta oo ah dad iyaga taageersan oo ah( yes man,Viktors,Guulwadayaal),
Hadaba akhristow hadii aan dib ugu soo laabto Wadankeena hooyo ee jamhuriyada Somaliland halkee ayuu xaalkeedu marayaa mudadii 4Afarta sano ahayd ee Maamulka siilaanyo jirey iyadoo arrinka aynu ka hadlayney ahaa Maamul xumo iyo Musuqmaasuq,waxaa hubaala oo qiraal ah oo muwaadin kastaa ogyahay maanta in wadankeena ay soo foodsaartay Musuqmaasuqii iyo Maamul xumadii ugu weyneyd abid ee Xukuumada talada haysaa ku kacdo ama la deris noqoto mudadii 23ka sano ahayd ee la soo noqoshadii madaxbanaanida S/LAND.
la soco qaybta 2aad .
Yusuf Abdilahi Janaale.
ajanaaaale3@hotmail.com