Reer Buuhoodle sanadahan dambe waxay gaadheen guulo waawayn, oo runtii waxku-ool ah, waxay guulo ka soo hooyeen dagaaladii Kalshaale iyo Hagoogane, kuwii ka dambayay ee Buuhoodle iyo SoolJoogto, waxay door wayn oo waxku-ool ah ku lahaayeen taageerista kooxda Khiyaano, waxay si toos ah iyo si dadbanba isu hortaageen, in Dhulbahante gebi ahaanba ka
Baxo maamulka Puntland, ugu dambayntiina waxay todobaadkii ina dhaafay ku guulaysteen, in ay ku khasbaan baarlamaanka Puntland, in uu ka tumo reer Buuhoodle Mingiska Ugaadhyahanka iyaga oo si aqlabiyad ah ugu codayay, in uu kursiga maxlalka ah, ee maamulkaasu u qoondayay beelaha Dhulbahante, waa madaxwayne ku-xigeenka ee, uu markan ku fadhiisto nin ka soo jeeda
Buuhoodle, runtii arinta ah in reer Buuhoodle laga tumo Mingiska Ugaadhyahanka, waxa la odhan karaa waa guushii ugu waynayd, ee ay abid gaadhaan reer Buuhoodle, iyada oo ay madax wareer aad u wayn ku ahayd waqti dheer, laba nin oo Ugaadhyahan ah, oo kursigaa isaga dambayay sanadihii ina soo dhaafay, taas waxaad ka garan kartaa, farxada iyo rayraynta
Dheeraadka ah, ee wada saamaysay reer Buuhoodle, ka dib markii uu ninkaasu ku guulaystay kursigaa maxlalka ah, iyada oo ay ku soo dhowayeen dabaal deg iyo fantasiye, kii ugu waynaa ee abid ka dhaca Buuhoodle, waa markii ugu horaysay, ee fantasiye ka mid ah fantasiyaasha Buuhoodle, ee aan kala go’aba lahay, loo adeegsado rasaas iyo madaafiic cirka loo rido si xad
Dhaaf ah, taas oo muujinaysa ahmiyada wayn, ee uu fantasiyahanu u leeyahay reer Buuhoodle iyo in uu si aad ah uga duwan yahay dabaal degyadii hore, iyaga oo muujiyay dareenkooda sida ay ugu faraxsan yihiin, in nin reer Buuhoodle ah loo doortay mansabkaa madaxwayne ku-xigeenka Puntland, bal iska daayoo kan farxad daraadeed, waxaa is hayn kari waayay, oo debeda
Isa soo dhigay Isimadii jilib culusta ahaa ee reer Buuhoodle, oo awel ku andacoon jiray, in ay yihiin Khaatumo, Puntlandna soo qaad qaadisteedu tahay xaaraam, doorashadeedna aan laga qayb geli Karin, xildhibaanana aanay u diri doonin, bal si taa ka duwan markii ay maqleen warkaa reer Buuhoodle oo dhan ka farxiyay, iyo in Mingiskii Ugaadhyahanka, ee madax
Wareerka ku ahaa reer Buuhoodle laga tumay, kursigaa maxlalka ahna, maanta ku soo wareegay reer Buuhoodle, waxay si habsami ah, oo aan gabasho lahayn, iyada oo ay wejiyadooda farxad aad u wayni ka muuqato, uga soo qayb galeen khudbadona ka jeediyeen, dabaal degaa iyo fantasiyahaa lagu soo dhowaynaayay madaxwayne ku-xigeenka cusub ee Puntland, (
halkan ka Daalaco dabaal lagu lays kaga tumaayay Mingiska Ugaadhyahanka,), waxaa xusid mudan, in isla maalintii maalintaa ka horaysay, uu magaalada Buuhoodle ruxay, banaan bax lagaga soo horjeedo doorashada Puntland, iyada oo ay ka baqayeen, in dhowr nin, oo isu soo taagay mansabkaa maxlalka ah, oo ka soo jeeday beesha Ugaadhyahan, uu midkood uun ku guulaysto
Doonta, waxaana la siiyay, oo lagu abaal mariyay Maxamuud Xaji Cumar Camay, sidii wanaagsanayd ee uu Dhulbahantaha u hagardaamayay, iyo in uu masiirkoodii ka horyimid, hase yeeshee kuwii isu soo sharaxaayay ayaa ahaa isma og aqalkiibay aslaysaa, waxa ay kala ogaayeen ma jirin, sidaas darteedna marna uma ay qalmin in cidiba wax u dhiibato, reer
Puntlandna caqligooda waa qabaan! Bal Axmed Karaashkan isagoo madax ah, minjaha iska dhigay eeg, fulow guuli kuu dhowaydaa, wax walba wuu haystay, cis iyo karaamo ayuu ku noolaa, ummad badan baa u han waynayd, wuxu se ka doortay sharaf iyo karaamad daro, iyo in uu isaga oo duulaysan Garowe u sii dhabas dhabas yidhaahdo, war reerkan miyaan laga helayn,
Mid qudha, oo sal uu ku fadhiisto leh!!! Anigoo marada tuuraaya baan idiin imi!!! Waa wax laga xumaado, hadii adiga oo la dhaqmay, oo la shaqayay, aad maanta garan waydo dhaqanka reer bariga, ma waxaad mooday sida qol yaha reer woqooyi, kuwo wax walba iska ilaawa! Reer bari haday maalin xariiq yari idin kala gaadho, boqolka sano ee soo socda waa kuu xusuusan
Yahay, wiilka wiilkiisa ayaa kala dhaxla! Waa kaase Axmed Karaashow Ina Uurbaytihii aad shalay haaraamaysay, maxaad is dhaantaan?!! Sow isma dhaanto iyo dhasheed ma tihidin?!! Shalay ayay ahayd, markii beesha aad ka soo jeedo, ee tirada dadka iyo baaxada dhulka ay degto aad ogtahay, ee labada gobol ee Sool iyo Sanaagba degta, ay isku qabsadeen xubin baarlamaanka
Federaalka ah, oo ah tan keli ah ee loo qoondayay beesha intaa baaxada le’eg, waana lugooyada iyo hagardaamada laga dhaxlay Puntland, ee aad maanta hawl yarida ugu sii cararaysid!! Kulahaa waxaad jeceshihiin baan jecelahay!!! Oo maxay jecel yihiin reer Puntland?!! Waa wax aad looga xumaado, hadaad garanaysid Axmed Karaashow, waxa ay reer Puntland jecel yihiin,
Waa musiibo aad u wayn, waayo waxaad tahay Khaayin!! Hadaadan se garanayn, waxay reer Puntland jecel yihiin, oo aad hadalka iska tidhi, iyana waa musiibo ka sii wayn, waayo waxaad tahay waxmagarato, ummad dhan masiirkeeda horboodaysa!! Reer Puntland waxay jecel yihiin, in la dhowro heshiiskii ay la galeen maamulka SNM, ee ahaa inaan laysu soo dhaafin Gambadhe
Iyo Tukaraq, oo uu dhulkaagu u qaybsanaado labadaa maamul!! Waa taa waxa ay jecel yihiin reer Puntland, ee Karaashow ma jeceshahay waxay jecel yihiin reer Puntland?!! Si kastaba ha ahaatee, iyada oo hada reer Buuhoodle laga tumay Mingiskii Ugaadhyahanka, ee xaga kursigaa maxlalka ah ugu yaraan! In kasta oo Mingiska ay Dhulbahante badan ka qaadeenUgaadhyahanka
Uu iska badan yahay, oo aanu intaa ku ekayn, hawl yaridaana aanu ku dhamaanayn!! Waxa haboon inaan tilmaano, in reer Buuhoodle ay fikirka ku kala qaybsan yihiin, sida Dhulbahantaha kaleba ugu kala qaybsan yahay, waxayna asal ahaan kala taageeraan Puntland, SNM, G12 ama Khiyaano iwm, hase yeeshee si ka duwan dhulka kale ee Dhulbahantaha, iyaga kala fikir
Duwanaashohoodu marna ma keeno in ay isku dhacaan, ama iska horyimaadaan, bal qolo walba ama koox kasta, markeeda ayaa si wada jira ah loogu camiraa, oo lagala qayb qaataa haday leeyihiin dabaal deg, soo dhoway, banaan bax iwm, isku soo bax kastana wejiyada aad ku aragtaa, waa uun isla kuwii hore, sida aad ka arki kartid cajaladahaa aan kor ku soo gudbinay iyo
Kuwa kale oo badan, oo aad youtubeta ka heli kartidba, ma ogolaadaan reer Buuhoodle, in cid debeda kaga timid, rabshado magaaladooda iyo deegaankooda ka aloosaan, hadii cidi ku soo duusho deegaankoodna, si wada jir ah, oo aanay u kala hadhin bay ula dagaalamaan, marka in kasta oo ay dadka qaarkood ku odhanayaan, meesha Buuhoodle qadiyadi ma taalo, oo dadkeedu
Hadafba ma leh, bal arimahooda oo dhan waxaa dabada ka riixayaa, waa uun xin iyo xaasad, hadana anigu waxan u arkaa, in aan arinta reer Buuhoodle ka madhnayn tusaalayaal wanaagsan, oo ku dayasho mudan, sida in aan marna layska horkeeni Karin dadka deegaankooda, iyo in ay si wada jir ah u difaacdaan deegaankooda, sidaas darteeda su’aasha aan rabaa waxay tahay, war
Qoladan reer Taleex, ee uun gurigooda gubaaya, iyagoo ku soo hugaaminaaya kooxo debeda kaga soo duulaaya, si deegaankooda loogu dhex dagaalamo, khasaaruhuna iyaga uun ugu habsado, ayna weliba gacan saarka leeyihiin reer Buuhoodle, oo dhibta deegaankooda uga soo dhoofiya isla Buuhoodle, makaga dayan kari waayeen reer Buuhoodle ugu yaraan arimahan
Fiican, ee aan kor ku soo xusnay, siiba iyada oo ay hada, sida Qoraxda u cadaatay, in shirqoolada Buuhoodle iyo Saaxdheer laga soo maleegayaa, ay yihiin uun xukum maroorsi iyo ka kacsi, sidii in badan hore loogu sheegay, siyaasada ay adeegsanayaan ay tahay Lafa Geel iyaga ayaa laysku jebiyaa?!! Cidu miyaanay guurti iyo waxgarad lahayn?!! Mise iyadoo la og
Yahay in dhulkaasu wax dagaal ah arag ka dib burburkii Daraawiishta, baa xoogaa dhalin yaro ah u kacday, oo ay doonayaan in ay dab ku shidaan?!! Miyaanay ogayn in kuwa ka dhalin badan 100% ay dagaalada khaati ka taagan yihiin?!! Oo u baahi qabaan, in ay maruun nabad helaan?!! Hadaanay se kolay ka maarmayn dagaal, oo ay u xiisa qabaan, bal may ku eegaan dhulkaa
Xoraynta inooga baahayn, taas bay magac iyo maamuusba ku heli lahaayeen ee?!!Ilama aha dadkan aan arkay, in ay waxaa ku wacyi qaadanayaan, waxana muuqata, in meeshaa musiibo iyo wax xuni ka soo salag leeyihiin!! Bal se aan eegno maalmaha soo socdaa waxay la yimaadaan.
Wabillaahi atowfiiq
Ciise Maxamuud Aadam
